Hjortegryte

Innsendt av Oddveig Frimannslund frå Norddalsfjord

* 1 kg hjortekjøt, t.d. bog 
* 1 purreløk
* 2 løk
* 1 lite kålhovud
* 3-4 gulrøter
* 4 tomatar
* 3-4 ss smør eller margarin
* 2 ts salt
* 6-8 peparkorn
* 6-8 heil allehande
* 2-3 laurbærblad
* ½ ts merian
* 6 dl vatn
* 1½ dl raudvin
Skjær opp løk, purreløk, gulrøter og kål, og brun dette i halvparten av smøret. Gjerne i gryte. Skjær kjøtet i store terningar, og brun det i resten av smøret. Legg grønsaker, kjøt, tomat, salt og krydder lagvis i gryta. Hell på vatn, og la retten putre pent under lok i ca 1½ time. La raudvinen putre med dei siste 5 minuttene.
Serverast med kokte poteter og gjerne sylta agurk.

Hjortehjarte-gryte a la Årskog

Fylt hjortehjarte

Innsendt av Anders Lorentzen frå Leirvik

Legg hjartet i rennande kaldt vatn. (Det kan i tillegg ligge natta over i lettsalta vatn i kjøleskåpet). Pass på at det ikkje er restar av levra blod inne i hjartet. Klem det hardt, og kjenn inni at det er reint og fint.

Tørk hjartet og reinskjer inngangane. Fyll det med svisker (obs. steinfrie), press dei godt inn i gangane. Fres det i margarin på sterk varme i ei jarngryte. Dryss på salt. Snu det rundt med eit par tresleiver så det blir brunt over det heile. Senk varmen og slå vatn i gryta slik at det dekkjer 2/3 av hjartet. Legg i ein buljongterning eller to. Sett på lokket og lat hjartet trekkje ca. 1 time.

Ta det opp og lat det kvile før du skjer det i skiver og serverer. Er godt både som varmrett og kaldt pålegg. På skiva anbefaler eg majones under og bittelitt sennep oppå. Som middag er det best med poteter til, og prøv raudkål om du ikkje har gjort det før. Elles godt med steikt sopp, brokkoli, gulrøter m.m. Viltsaus lagar du av krafta du kokte hjartet i.

Slottsteik (3-4 Porsjonar)

Innsendt av Henrik Andersgaard frå Lærdal

* 500 g hjortekjøt (lår, bog, flatbiff) i eit stykke (steik)
* 1 teskje salt
* 1 laurbærblad
* 6 peparkorn, svarte og heile
* 1 løk
* 1-2 store gulrøter
* 2-3 ansjosfiletar
* 1 spiseskei eddik 7%
* 2-3 dl kraft, i verste fall buljong av terning/pulver, men helst god og sterk kjøtkraft
* 1 spiseskei smør, ikkje på nokon måte olje!

Brun smøret først, brun deretter kjøttstykket i jerngryte på alle sider på ganske sterk varme. Ha i krydder, reinska og oppdelte grønsaker, ansjos og eddik. Spe litt etter litt med kraft eller buljong, skru ned varmen (skal småboble, men ikkje fosskoke) og ettersteik ca 1½ time på svak varme. Bruker du steiketermometer, er 72-75° passeleg. Drypp med steikesjya av og til ? iallfall kvart 10. minutt. Tilsett om naudsynt meir væske (kraft eller vatn).

Ta ut kjøtet og la det kvile mens du jamnar sausen med et par spiseskeier kveitemjøl utrista i 1 dl vatn. Det går sikkert an med Maisenna-jamning rett oppi også, berre rør godt rundt!

Skjerast i litt tjukke skiver (det er ikkje noko godt med tynne), potet og grønsaker (kokt kål og gulrot synes eg er godt!) attåt.

Heilsteikt Hjortebiff

Innsendt av Arne Johan Vereide frå Vereide

* Hjortebiff, helst ytrefilet eller flatbiff
* Sjampinjong
* Druer
* Eple
* Bacon
* Sæterrømme
* Kraft
* Raudvin
* Gåselever
* Urtekrydder

Steik ytrefilet på panne, heilsteikt. Ta av kjøtet, og bruk krafta på panna. Tilsett først raudvin og kok ut. Tilsett så sæterrømme og la dette stå og småkoke i 4-5 minutt. Til slutt tilsettes litt gåselever, og la dette trekke i 3-4 minutt. Tilsett urtekrydder.

Kutt bacon og eple i tynne strimlar "Julienne", samt grøne druer i fire bitar. Ta ut steinane. Dette brunes så i panne. Først bacon til gyllen brun, så tilsettes druer og til slutt eplestrimler.

Legg ytrefileten på fat, dryss så bacon, druer og eple over kjøtet. Rist frisk sjampinjong eller kantarell og server til. Bruk etter ønske valt potet.

Viltgryte

Innsendt av Hege Ovrid frå Vik i Sogn

* ca 1 kg hjortekjøt
* smør
* 1-2 løk
* 3 dl vann
* 3 dl vørterøl
* 1-2 gulrøter
* 10 einebær
* 1 oksebuljongterning
* ¼ liter fløyte
* ½ - 1 ts timian
* salt og pepar
* 1 ½ dl solbærsaft (ufortynna)

Krydre kjøtet, brun smør i ei panne, tilsett kjøtet og brun det raskt. Tilsett løk og gulrøter (i bitar) mot slutten. Tilsett vatn, saft, øl og krydder og la det surre til kjøtet er mørt. Lag mjøljamning viss nødvendig. Tilsett til slutt fløyten og gi eit nytt oppkok.

Godt tilhøyr: Tyttebær og poteter eller ris og salat.

Kvardagsgryte

Innsendt av Kari Anne Brekke frå Bjordal

* 3/4 kg grytekjøt
* evt litt bacon
* 3/4 l vatn
* 2 ss tomatpure
* 2 ss kveitemjøl
* 2 dl naturris, evt vanleg middagsris
* 1 tomat
* 1/4 raud og 1/4 gul paprika
* 1 boks mais
* timian
* salt
* pepar
* chilipulver

Skjer kjøtet i strimlar og brun dei i varm panne. Brukar ein bacon, brun dette, og. Bland 2 dl vatn med kveitemjøl og tomatpure og rist dette før du blandar det med resten av vatnet i gryta. Ha i ris, salt og pepar og kok risen etter det som står på pakka. Rør av og til. Del opp tomat og paprika i bitar. Tilset kjøtet når det er att ca 10 minuttar av koketida til risen. Det er viktig at kjøtet ikkje kokar for lenge, da vert det tørt! Tilset tomat og paprika mot slutten av koketida. Smak til med evt meir salt og chilipulver.

Vi et dette utan tilhøyr, men det er sikkert godt med loff og ein salat til.

Gryte med Hjorteskav

Innsendt av Anne-Helene Taklo Myklebust frå Ålfoten

* 100 g bacon
* ca. 400 g skava hjortekjøt
* 1 løk (finhakka)
* evt. litt margarin til steiking
* ½ - 1 ts salt
* litt nykverna pepar
* 4-5 knuste einebær
* 2-3 dl fløyte
* ca. 1 ts soyasaus
Bruk frose, reinskore hjortekjøt (grytekjøt) og skjev opp medan det enno er ganske frose. Skjer baconet i tynne strimlar og legg det på kald steikepanne. Steik det slik at feittet piplar ut og baconet blir sprøtt. Ta opp baconbitane. La løken surre litt i baconfeittet før du legg i hjorteskavet og brunar det saman med løken. Ha på salt, pepar og einebær. Tøm over fløyte og ha i soyasaus. La retten surre under lokk ca 5 minutt på svak varme. Smak til. Dryss baconbitane over ved servering.
Server med damp

a ris og ein frisk salat, eller kokte grønsaker t.d. brokkoli og gulrot. Tyttebær høyrer med.

Vil du ha ein ekstra fin rett, kan du bruke 2-3 dl kantarell eller annan skogssopp som du surrar saman med baconet. Det gjev ei fin smaksoppleving av skog og vilt!

 Hjortekarbonadar

Innsendt av Karen Moe frå Gaupne

* 1½ kg reinskore hjortekjøt
* ½ kg svinekjøt
* 1 løk
* 4 store rå poteter
* 6-7 skiver sylta raudbetar
* 12 skiver sylta agurk
* ca 6 dl mjølk
* 4 egg
* 4 ss kveitemjøl
* 2 ss salt
* 2 ts pepar
* 4 ts urtesalt

Mal kjøt, poteter, raudbetar, agurk og salt to gonger. Tilset mjøl og krydder, og rør inn egg og mjølk litt etter litt. Steikast som store karbonadar på god varm panne.

Hjortekabaret

Innsendt av Margunn Løkkebø Solheim frå Hyen

* 300 - 400 g malt hjortekjøt
* salt/pepar
* 1 pk aspik (lys eller mørk)
* grønsaksblanding / blomkålblanding
* kokte egg

Lag aspik som beskrive på pakken. Mal hjortekjøtet ein gong på kvern. Brun kjøtdeigen på steikepanna og ta på salt og pepar. Avkjøl. Kok grønsaksblandinga / blomkålblandinga.
Legg hjortekjøtdeigen i botnen på ei form. Legg grønsaker og egg lagvis oppi. Hell over Aspik.

Når du skal servere, kvelver du kabareten over på eit fat. Pynt med tomat, agurk og salatblad. Server med dressing, brød og smør.

Hjortekjøt som laurdagskos

Innsendt av Ellen-Marie Rokstad frå Holmedal

Kutt opp hjortekjøt i små terningar 2x2 cm. Bruk ei steikepanne med lokk. Ha i litt margarin og fres kjøtet raskt opp med grillkrydder, salt og pepar. Slå ned temperaturen til ca 150°C. Tilsett 2 dl vatn. La det stå og småputre i 1½-2 timar. Ta ein liten boks mais og 1 glas sur/søt saus (Onkel Bens) og bland i lag med kjøtet i steikepanna. La alt surre i 5 minutt. Må godt opp på kokepunktet.

Imens kan du lage til grønsakene. Gulrot, blomkål og brokkoli som er delt opp i skiver og bukettar. Kokast, hell av grønsaksvatnet, slå dei over kjøtretten og server alt direkte frå steikepanna.

Attmed kan det serverast spaghetti, ris, eller fersk loff eller rundstykke.

Dyresteik

Innsendt av Torild Sørlid frå Indre Arna

* Steik (2-3 kg)
* 1 liter kulturmjølk
* 9 dl fløyte
* ½ liter rømme
Saus:
* Mjøljamning (maisenna)
* Litt ost
* Knuste einebær
* Sukkerkulør
* Salt og pepar

La steika tine over 2 dagar i kjøleskåp. Fres steika i godt smør. Hell over kulturmjølk, og la steika surre i 1 time (snu steika etter ½ time). Hell over fløyten, og la steika surre i vel 1 time til (snu steika etter ½ time). Ha i rømmen.

Stikk i steika. Kommer det klar kraft ut, er han ferdig. Er krafta raudlig, må steika stå litt til.

Ta steika ut av gryta. Bruk mjølka, fløyten og rømmen som basis for sausen. Ha i mjøljamninga, osten, einebæra, sukkerkuløren og salt og pepar.

Server med kokte poteter, grønsaker og sopp.

Hjort i bokkøl (6-8 pers)

Innsendt av Unni Tveito frå Leirvik

* 1½ kg beinfritt hjortekjøt
Kokekraft:
* 1 fl bokkøl
* 1/2 - 1 dl ublanda solbærsaft
* 3/4 dl soyasaus
* 6-7 tørka einebær
* 6-8 peparkorn
* 2 ts oregano
* 2 oppskårne laukar
* 3 buljongterningar
Saus:
* 7 dl silt kokekraft + vatn
* 4 ss kveitemjøl
* 1½ dl fløyte

Surr steika med hyssing eller liknande. Kok opp krafta og legg kjøtet nedi. La den trekkje i 1,5 - 2 timar. Ta panna av varmen og lat kjøtet ligge i krafta i 20 min. Sil kokekrafta og visp kveitemjølet i fløyten til ein glatt jamning. Rør den i krafta og la det koke nokre minutt.

Skjer opp steika, og server ho kald eller varm med varm saus

Hjortesnacks

Innsendt av Anders Folven frå Hjelledalen

* ca 1 kg hjortekjøt (gjerne bog)
Marinade:
* ½ dl Soyasaus
* 4 ss Worchestershire Sauce
* 1/2 ts kvitlaukspulver
* 1/2 ts løkpulver
* 1/2 ts salt
* 3 ss brunt sukker eller honning

* sort pepar

(ein kan også prøve seg fram med eigne krydderier, evt ein skvett raudvin eller litt appelsin juice i tillegg)

Legg kjøtet i frysaren i ca 2 timar slik at det blir fast. Skjer deretter i høveleg store stykke (fingerlange, med 2-3 cm breidde). Tjukkleiken bør ein prøve seg fram med (ca 2-3 mm). Ein skal passe på at dei ikkje blir for tynne, elles blir kjøtet for sprøtt. Det er viktig at kjøtet vert skore i retninga av muskelfibrane.

Bland ingrediensane til marinaden, unntatt peparen. Legg kjøtet og marinaden i ein plastpose, fjern lufta og knyt att posen. Dette skal så liggje i kjøleskapet i ca 12 timar (evt meir eller mindre for sterkare eller mildare smak). Klem deretter marinaden frå, og tørk godt av kjøtet med kjøkkenpapir. Strø på litt sort pepar.

Tørkinga foregår på rist midt i omnen på lågaste temperatur, ca 50 - 60 grader. Set ein gaffel i klem i omnsdøra slik at fukt kan kome ut. Tørk kjøtet i 7-9 timar alt etter tjukkleik og behag. Det skal være slik at det nærmast kan knekkast av.

Salta hjortetunge

Innsendt av Lars Myklebust frå Ålfoten

Reins og vask tunga godt. Tørrsalt ho i eit lite kar med rikeleg grovt salt. La ho ligge i salt i ca. 2 døgn. Skyl av saltet og set tunga til koking i rikeleg vatn. Kok sakte opp, skum av, trekk på svak varme i 2-2½ time. Ha kaldt vatn på og skåld godt av den kvite hinna ytst. Avkjøl. Skjer i tynne skiver ved servering.

Dette er haustens beste pålegg! Majones og sylteagurk smakar godt til.

Hjorte-fondy

Innsendt av Anne Solheim Kleppe frå Florø

* Møyrna hjortekjøt skore i terningar
* Ca 1 flaske matolje
* Salt, pepar, krydder etter smak
* Sjampinjong
* løk

Kjøtet bør ha stått framme slik at det får romtemperatur. Varm opp oljen i fondy-gryta til den er passe varm. Ha lok og gryteklutar tilgjengeleg i tilfelle overoppheting. Steik kjøtet til du syns det er passe (OBS det vert fort for mykje). Krydre etter at det er steikt

Server med steikt sopp og løk, brød og salat.

Sausekjøt av hjort

Innsendt av Kjell Solheim frå Leirvik

* Hjortekjøt
Saus:
* Brun kveitemjøl og smør
* 1-1½ l vatn
* 100 g brunost
* 3 knuste einebær
* 3 ss sæter rømme
* 2 ss buljong

Bruk kotelettar eller reinskore kjøt frå lår eller det beste frå bog. Bruk varm steikepanne med smør. La kjøtbitane nett få ein "snek", slik at porene vert lukka. Lag saus, og ha kjøtet oppi. Kok under lok, og pass på at sausen ikkje kokar vekk. Spe med vatn og krydder. Kok til kjøtet er mørt.

Server med poteter og grønsaker.

                                                Back to Nyheter

                                                  Back to Main